in

Turned 22 today, here I am sharing what I learned in these years

Yakeen nahi hota itna jaldi ye saal beet gaya..

Turned 22 today.( feeling mixed, pata nahi chal raha kya bolu)

Pichla saal ab tak ka sabse learnful and challenging saal mein se ek raha hai. Bahut kuch sikhne ko mila kaafi galtiyan bhi ki aur un se kaafi kuch sikha bhi.

Pichle saal bahut kuch pehli baar kiya, jaise pehli baar plane main baitha, pehli baat Kashmir gaya, amaranth ki shivling ke darshan kiye, 10k feet ki hight, jama dene wali thand  mein tent me raha list lambi hai in short kaafi enjoy kiya.

Par enjoy ke saath saath bahut kuch challenging bhi hua, jaise ki Kashmir se anne ke baad ek dum health bigad gai, job chali gai, kuch sapne poore nahi hue( koshis abhi bhi jaari hai), kuch relationship continue nahi kar paya, kaafi raate depression mein nikali iski list bhi lambi hai. In short kaafi kuch sikhne ko mila in sabhi experiences se.

Pichle saal sabse acchi chiz yeh hui ke meri mulakat apne aap se hui.

Kabhi kabhi jab hum raah mein bhatak jaate hai tab bahut jaruri hota hai khud se milna aur jab hum khud se milte hain tab aadhi se jyada problem waha hi solve ho jaati hai.

So, here i am sharing what I have learned in these years

Never get too excited: Jab mein 18 saal ka tha tab maine josh mein hi josh mein aake sabko ye keh diya tha ki ab dekho main kya karta hu, billionaire to mein yu  chutki baja ke ban jaunga. Aaj jab wo saari purani baate yaad karta hu to hansi aati hai. Par ek baat aaj bhi wohi hai ki naa to mein tab haar mani thi aur naa hi main kal haar manuga.

Aur ek baat maine tab gaanth bandh ke rakh li ki agar zindagi mein kahi bhi pahuchna hai  to kabhi bhi sikhne se mat sharmao. Kyuki jis din tumne sikhna bandh kar diya tumhari kahani waha hi ruk jayegi.

Learn to say no: ye meri sabse badi kamzori rahi hai,main kabhi bhi kisi ko naa nahi keh pata tha. Iski wajah se kaafi problem mein pada. Aur ye aaj bhi kabhi kabhi ho hi jaata hai.

Agar aapko dil se koi kaam nahi karna to phir aap us kaam me apna haath dalo hi mat tab tak, jab tak aap apne aap ko puri tarah se samja na lo.

Think long term: this is very important thing which I learned in recent times. Aaj ke jyada tar youth ki probem hi yahi hai ki wo sab kuch shortcut mein ek hi raat mein pana chahte hai. Par sachai yeh hai ki ek raat me sirf aap sapne dekh sakte ho use pura karne ke liye aapko din raat ek karna padta hai.

Don’t believe blindly : Aaj ke time mein sabse bada jol ho raha hai toh wo ye hain ki log kisi pe bhi, koi bhi chiz pe aankhe bandh kar ke bharosa kar lete hai. Kyu ?? kyu ki whatsapp pe kisi ne share kiya hai aur kaha hai ise 20 logo ko share karo nahi to ye ho jayega..

Abhi to muje ye believe nahi ho raha ki sach  mein hum 21st century me jee rahe hai?

Maine kahi padha tha ki jab tak insan koi bhi chiz ko wo chale acchi ho ya buri use apni buddhi se parakh ke samaj naa le tab tak us chiz par koi comment nahi karna chahiye.

Never EVER compare yourself to someone else: Agar koi apne life mein apne aap ko kisi aur se  compare karne ki galti karta hain to ye uski uske life ki sabse badi galti hongi.

Maine jab naya naya likhna start kiya tha tab mein bhi apne aap ko bade bade writer,poet ke saath khud ko compare karta aur apne aap se kehta ki main inki tarah kabhi nahi likh sakuga,

Believe me my friends kabhi bhi I reapet kabhi bhi apne aap ko kisi aur se compare mat karna. Kyu kit tum koi aur ban nahi sakte aur koi aur tum jaisa nahi ban sakta.

Maine bahut jaldi ye realize kar liya ki muje unke jaisa likhne ki koi jaruarat nahi hai muje to bas likhana hai bas.  Aur jaise jaise main likhta gaya apne aap improvement hoti gai.

Time is what you have: Ye chiz main chahta ki life mein kaafi pehle sikh leta par koi ni… its better late than never.

Agar hum humari life ko thoda baariki se dekhe to hume waqt se chote chote lamhe hi milege bas wohi hai jise hum door se dekhte hai to kaafi saare kisse nazar aate hai aur wo kisse hi aage jaake humari zindagi banate hai.

To 100 baat ki 1 baat agar humein apni zindagi ko acchi aur better banana hai to humein us lamhe mein chupe har pal ko jeena honga. Har us pal ko sahi tarike se istemal karna honga taaki jab hum kal humari zindagi ko dekhe to hume koi afsos na karna pade.

So, for now, that’s It.

Agar aapne ye pura post padha hai to aapko dil se thank you . Agar aapko lagta hai ki ye aapka sharing ka hakdaar hai to please don’t hesitate to press sharing button. It means a lot to me.. Thank you.. keep sharing keep loving.

What do you think?

1 point
Upvote Downvote

Written by Udit Rathod

I am a human being with working MIND.

Comments

Leave a Reply

Leave a Reply

Your email address will not be published. Required fields are marked *

Loading…

0

Comments

comments

जब soul-met ( Hindi Short Story: 1st chapter )

जब soul-met (2nd chapter: Zindagi Aur Tum )