in

जब soul-met (2nd chapter: Zindagi Aur Tum )

Jab Soul-met Chapter 2 Precap: To kahani ke pehle chapter mein aapne dekha sameer aur nishi ki pehli bus waali mulakat ke baarein mein, jo ki kuch pal ki hee thi aaiye aage badhte hain aur dekhte hai ki aage kitne lamhe in dono ka intezar kar rahe hain.

Zindagi aur tum

“Sameer… sameer… hello… yaha…” sameer ke dost amit ne meera baug gate ke paas se use aawaz lagai.

“Haa aaya aaya…” sameer ne appna haath dikhate hue us-se ishara kiya aur jaldi raasta cross karke uske paas pahucha.

“Kya yaar kitni der kar di, sab kabse intezar kar rahein hain tumhra” amit ne kaha

“So, Sorry yaar”

“Ha chal koi baat nahi, par pari tumse bahut gussa hai” zara sambhal ke.

“Oh… aisa hai kya” sameer ne apni eyebrow unchi kar ke kaha.

“Koi baat nahi uske liye mein aaj ek special gift laya hu. Maan jayegi wo.”

“haa par tab manegi jab tum us-se miloge, aur uske liye hume jaldi jaana padega.” amit ne kaha

“Ha ha chalo” sameer ne apna bag kandhe pe daalte kaha

“Are sun.” sameer ne amit ko rok kar kaha

“Ab kya hua”

Sameer ne apna bag khol ke kuch check karne laga.

“Are yaar” sameer ne apne sar pe haath rakh ke kaha

“kya hua” amit ne kaha

“Pari ka gift to main room par hi bhul gaya”

“Abhi?” amit ne kaha

“Tu aisa kar tu jaa aur situation thodi der tak aur sambhal le, main 20 min mein room jaake gift lekar aata hu”

“Chal thik hain par jaldi jaa aur jaldi aa wapis, pari ko main nahi samja paunga”

“Ha, main yu gaya aur yu aaya.”

Sameer bhag ke waha se nikala, jaldi jaldi mein wo kisi se raaste mein takraya aur uska bag raaste par gir gaya aur saamne wale ke haath se ek kaach ki koi sisi niche giri”

Sameer ne jaise us saksh ke aur dekha to wo aur koi nahi par wohi bus wali ladki thi.

“Are tum… sorry, sorry mein zara jaldi mein tha” sameer ne kaha

“Ladki ne bina kuch kahe bade hi hadbadi mein wo kaach ki sisi uthai aur age chalne lagi”

Sameer ke Gaur  se dekhne pe pata chala ke uske haath mein poison ki sisi(Small bottle) thi.

Sameer us-se kuch puch sake us-se phele wo ladki waha se tezi se chal padi.

Sameer ko baat kuch gadbad lagi, wo uska picha karne laga.

Wo ladki ko pata chal gaya ki koi uska picha kar raha hai, wo aage jaa kar ek ped ke piche chup gai.

“Are kaha chali gai, abhi to yahi thi” sameer ne yaha waha dekhte kaha.

Sameer ne yaha waha dekha par wo ladki kahi dikhi nahi, kuch der dhundhne ke baad bhi naa milne par wo apne kaam ke liye nikal gaya.

Jaise hi wo piche muda usne kisi ladki ko bhagte dekha, use laga ye wohi hai wo uska daud ke uska picha kiya.

Thodi door jaake wo ladki ruki aur apne haath mein rakhi sisi khol ke wo pine hi jaa rahi thi utne mein sameer ne piche se aake uske haath se sisi ko jhataka dekar haath se gira diya.

“Paagal ho tum” sameer ne haafte hue thodi unchi aawaz mein kaha

“Just leave me alone, I want to die” us ladki sameer ko piche dhakka dete hue kaha

“Please leave me alone, I don’t want to live any more, I don’t want this life anymore, please let me die” wo  ladki rote rote apne ghutne pe gir gai aur rone lagi.

“Calm down, calm down” sameer ne kaha

“Just leave me alone, who are you, just get lost from here.” us ladki ne sameer ko piche dhakelte kaha

“Hey, just relax. Take this water” sameer ne apni bag se pani ki bottle nikal ke use di

“Muje nahi pina, please tum jo bhi ho yaha se chale jao please” us ladki ne haath jod kar sameer se roti hui aawaz mein kaha.

“main tab tak yaha se nahi jaunga, jab tak tum paani nahi piyogi” sameer ne thodi unchi awaaz mein kaha

“take this, you will feel better” sameer ne bottle ko uski aur badhate kaha

Usne bottle li aur ek ghut piya aur kaha “thik hain, pi liya ab tum jao please”

Sameer ne uske haath se pani ki bottle li aur kaha..

“Muje nahi pata ki tumhare saath kya hua hain, tum koun ho aur suicide karna kyu chahati ho, par agar tumne apna mann bana hi liya hai to ye tumhari zindagi hai aur tumhe pura haq hai. Par main chahta hu ki apni life ka aage ka koi bhi decision lene se pehle tum mere saath chalo.

Tumhe kuch dikhana hai aur baad mein bhi tumhe lage ki suicide is the right option then, no problem.

This is your life you have 100% right to take decision of your life.

“par mein kyu tumhare saath aau, I don’t even know you” us ladki ne kaha.

“Aagle aadhe ghante ke liye bhul jao ki tum zinda ho, socho ki tumne wo zehar pi liya hai aur marr gai ho aur jo abhi mere saath aayegi wo tumhari rooh hongi” sameer ne usko jawab dete hue kaha

“Aur abhi ek bhi sawal mat karna, jab tak mein naa puchu. May be the next half an hour will change your entire life.”

“Ye lo apne aansu pyar se ponchh lo, shayad aaj ke baad ye dard ke aansu ab phir naa aye” sameer ne use apna rumaal dete hue kaha

“Par..”

“Ek shabd bhi nahi” sameer ne apna sar naa mein hilate kaha

“bas mere saath chalo” sameer ne apna bag kandhe pe rakh kar khada hua aur apna haath badhaya aur kaha “chalo, trust me”

Ladki ne apna haath aage badhaya aur sameer  ke saath chalne ko raazi ho gai”

Sameer use dekh kar muskuraya aur kaha. “this will change your life”

Kuch waqt chalne k baad, amit dikhai diya.

Amit waha khada ho kar kisi ko call kar raha tha aur usme hi usne sameer ko aate dekha aur daud ke uske paas aaya.

Are yaar kaha hain tu. Kab se tera phone try kar raha hu, sab kabse tera intezar kar hain aur yeh koun hai?” amit ne us ladki ki aur ishara kar ke pucha.

“Wo baad mein batata hu, sab log kaha hai” sameer ne puncha

“Sab piche waha khade hain, tumhara intezar kar rahe hain aur pari to bahut upset hain” amit ne pari ki aur ishara karke kaha

“Ha tu chal mein aaya” sameer ne kaha

“Thik hai chal jaldi par.” Amit ye keh ke chala gaya

“Bacchon, aapke sameer bhaiya aa gaye hain” amit ne waha khade chote chote bacchon ke group se kaha

“Ye… ye…” bacche khusi se chillane lage.

“Amit bhaiya kaha hai sameer bhaiya” ek choti si ladki ne amit se pucha

“chalo mein lekar jaata hu” amit uska haath pakad ke use sameer ke paas le ke gaya

“ye lo, ye rahe aapke sameer bhaiya”

“Main aapse bahut gussa hu, abhi mein aapse kabhi baat nahi karungi. katti.. aapse” us choti si bachhi ne sameer se kaha

“Par agar aapse main yeh kahu ki aapke liye ek special gift lene mein muje der ho tab bhi aap mujse naaraz rahogi”

“Special… gift, mere liye?”

“Haa aapke liye”

“Hmm… to phir sochungi”

“Chalo abhi cake bhi cut karna hain na, baad mein aapko aapke special gifts se milata hu”

“Amit…” sameer ne amit ko bulte kaha

“Sabko ikatha(इकट्ठा) karo, cake cut karte hain”

“Thik hain, chalo cake ke paas jaate hai abhi” amit us bachhi ko lekar sab bacchon ke paas chala gaya”

“Abhi jo ladki aayi thi, uska naam pari hain. Aaj uska janmdin hain par afsos ki wo ye sab dekh nahi sakti. Ek accident mein usne apne parents aur baadi behan kho diya aur us haadse main uski aankho ki roshni bhi chali gai.

Tab se wo naa ye khula aasman dekh sakti hai jaha pehle wo pilot banke plane udna chahti thi, naa hi ye ghane ped dekh sakti hai jiske piche kabhi wo chupa karti thi.

Ek haadse ne ek pal mein uski saari khwahise tod di par dekho usko uske chehre pe tumhe khusi ke alawa kuch nahi milega.”

“Aur itna hi nahi jitney bhi bacche iske saath yaha aaj aaye hai pari ka janmdin manane ke liye unme bhi kuch na kuch kamiya hai. Koi thik se chal nahi sakta to koi bol nahi sakta to koi sun nahi sakta. aur sabse dukh ki baat to yeh ki sab bacche anath hai, inhe kabhi apne mata pita ka pyar hi nahi mila.”

“Itni choti umr mein zindagi ne kitne badi badi musibate dedi hain.”

“Par in sab ke baawjud bhi kisi ke chehre pe muje gam nahi dikh raha”

[bctt tweet=”“Pata hai kyu, kyu ki ye sab zindagi ko sirf waqt maan kar kaant-te nahi balki zindagi ke har lamhein mein, har ek pal mein puri tarah se zindagi jeete hai”” username=”iamuditrathod”]

“Agar ye sab ye umr mein, itni musibate hone ke baad bhi haansi khusi apni zindagi jee sakte hai to, tum bhi jee sakti ho”

“Muje nahi pata ki aaj tumhare saath kya hua, shayd aaj ka din tumhari life ka sabse kharab din ho, par “THIS TOO SHALL PASS”.

“Hope se badi koi top nahi hain, Never lose hope. Who knows the next moment will bring something special for you. But uske liye tumhe us pal mein hazir rehna honga”

“Sameer… chalo cake cut karna hai” amit ne aawaz lagai

“Ha, aaya” sameer ne kaha

“Humara aandha ghanta khatm hua. Ab agar tumhe jana hai to jaa sakti ho aur apni zindagi ka faisla kar sakti ho. Par agar apna mann badal diya ho to please pari ki baday party join karna. Pari ko accha lagega.” sameer ne muskurakar ke us ladki ko kaha

Sameer sab baccho ke bich chala gaya aur cake cutting ki taiyaari karne laga.

“Chalo pari, chalo sab yahan aajao cake cut karna hain na?” sameer ne sab bacchon se pucha

“ha…” sab bachhon ne chilla ke zor se kaha

“chalo pari, cake cut karenge” sameer ne pari ka haath pakad ke cake ke paas le gaya.

“par bhaiya mera special gift kaha hai. aapne muje bola tha na”

“kya mein party join kar sakti hoon” piche se dheere se kisi ki aawaz aai,

To Be contine…

What do you think?

5 points
Upvote Downvote

Written by Udit Rathod

I am a human being with working MIND.

Comments

Leave a Reply

Leave a Reply

Your email address will not be published. Required fields are marked *

Loading…

0

Comments

comments

Turned 22 today, here I am sharing what I learned in these years

What is mind and how it works?