in

It’s ok to fail yaar… but?

Mahol kaafi garm hain, kahi pe phatt rahein bum hain to kahi per garm padi barf hain.

Aap soch rahein honge ki kya ho gaya, are kya batau bhai hamara pappu pass ho gaya.(are nahi wo pappu nahi, humare pados vala)

Are abhi bhi nahi samje, are Board ke results aa gaye hain bhaiya, aur yaha to koi 90 pe bhi dukhi hain aur koi to 35 par bhi party de raha hain aur kuch hain waise bhi jinhone bina baat ka tension le rakha hain.

Ye post unke naam jinka failure se paala pada hain. Aur agar aap 90 ke category mein aate hain to yaar aapko ye advice ki koi jarurat nahi aur aap 35 wali category mein aate hain to aap koi advice manoge nahi. To bhi yaar padh lo ek baar, waise bhi main jyda bhashan nahi deta, so you will like this.

To chaliye shuru karte hain, jisne faila diya hain raaita aao saath milkar saaf karte hian.

Fail hue to kya hua ye zindagi ke harf(word) hain, tum kadam-kadam badhate chalo aage aa rahein suhane safar hain.

Dekh bhai/behan(us ek ko chhod ke) agar tu fail hua hai to it’s ok yaar, hota hain.

Dekh bro muje koi lecture dene ki aadat nahi aur aaj waise bhi uske mood mein nahi hu, to ek dum sidha bolunga aur sach bolunga, zara dard ho sakta hain tu sambhal lena.

Dekh fail hone ki do vajah ho sakti hain.

  1. Tumne padhai nahi ki hongi
  2. Tumne thik se padhai nahi ki hongi

Yahi sach hain tum maano ya na maano, sab ke 90 nahi aate yaar aur sab top bhi nahi karte aur koi karta hain to us se jalo mat use congratulate karo uski mehnat ka result use mila hain wo deserve karta/karti hain.

Dekh zindagi mein sach ke kadve ghut hume aapne aap ko pilane hi padte hain, agar tum nahi pilaoge to duniya bahar free hi baithi hain aur wo aise mauke nahi jaane deti.

Dekh jayda nahi pakaunga, fail hua hain to next year padhai kar aur paas ho jaa. Top karne ki yaa kisi aur se better karne ke baare mein mat soch.

Tere dimag(bheje) mein jo jagah hain naa wo knwolage ke liye hain to use uske liye hi use kar.

Haa mana ki ye pythagoras theorem ya maths ke sums life mein kaam nahi aayenge par sun bro wo EXAM mein aa sakte hain to use samjne ka try kar aur Chep daal paper mein.

Aur tere aur teri padhai ke bich koi aaye naa to use us tarah ignore karna jaise Narendra modi, rahul Gandhi aur kejriwal ko karte hain.

Aur haan agar tumhare aankh, kaan, naak, haath, pau sab agar thik thak chal rahe hain to khusi manao kyuki yaha aise bhi log hain jo ye sab thik naa hote hui bhi jee rahe. Compression nahi kar raha hu bas thoda aina dikha ne ki koshish kar raha hu.

(Maine kaha tha sach ka kadva ghut khud bharlo, nahi to duniya baithi hai intezar mein, hum sab unme se hi ek hain main bhi)

Chal abhi jyada gyan vachan nahi dunga bas yahi kahunga ki NEXT YEAR FAAD dena.

Jaate jaate do line tumhare liye.( padh ke exit karna)

MAANA KI TU KARODO MEIN EK NAA SAHI,

PAR TUJME WO HAIN JO UN KARODO MEIN BHI NAHI.

Bye aur jyada tension mat le yaar, life hain aaj dhup hain to ped ki chav bhi to hain, thodi der uske niche baitho, aaram karo phir chalo aage.

😉

What do you think?

6 points
Upvote Downvote

Written by Udit Rathod

I am a human being with working MIND.

Comments

Leave a Reply
  1. Thnks a lot…. thoda thik lg rha h ye pdke vrna aj ka ppr toh itna bura gya tha ki esa lga …… kuch nhi bcha…

    • dimag me knowledge ko jagah do tension ko nahi. Aur jaha tak ppr ki baat hai, to main mere first year clg mein 3 mien fail hua tha aur last year me 86% aaye the. To be honest aaj dono ke baare me koi nahi puchta.

Leave a Reply

Your email address will not be published. Required fields are marked *

Loading…

0

Comments

comments

Jeevan safar | Stop 1 | Kismat Junction

…Aur pyaar “ढूँढा” nahi jaata “किया” jaata hain.