in

…Aur pyaar “ढूँढा” nahi jaata “किया” jaata hain.

Kya soch raha hain?

Kuch nahi bas yunhi.

Par muje pata hain tu kya soch raha hain.

Agar pata hain to pucha kyun?

Dekhne ke liye ki tere main himmat hain wo baat karne ki ke nahi, par afhsos ki tu nahi keh paya.

Saaf saaf bolega kya kehna chahta hain..

Accha? Abhi mein saaf saaf bolu. Wah bhai.. Saale muje sab pata hain tere aur jahnvi ke bare mein.

Kya…? Kya pata hain tuje? Tu jo soch raha hain waisa kuch nahi hain. Aur tu hain na apne khayali pulav pakana bandh kar samja.

Samaj toh tu nahi raha mere bhai, agar tuje wo acchi lagti hain to use keh kyu nahi deta. I am 100% sure ki wo bhi tuje like karti hain.

Maine bola na aisa kuch nahi hain.. Abhi please ye topic change kar.

Topic to change nahi honga beta… jab tak tu use apni dil ki baat keh nahi deta.

WTF.. kaisi baate kar raha hain sale… Koi bollywood ki romantic movie dekh ke aaya hain?

Movie to mein teri chalu karne ki soch raha hu par tu hain ki saala movie ke first half mein hi climax la raha hain. Dekh muje pata hain ki tu jahnvi ko like karta hain par muje ye baat samaj nahi aati ki ye tu chupa kyu raha hain. Ye teri hasti aankho ke piche ka gum muje saaf nazar aa raha hain. To tere liye sahi yahi honga ki tu muje sach sach bata de warna…..

Warna.. Warna kya ha..

Warna mein tere mobile se jahnvi ko I love you ka message bhej dunga. Type maine alredy kar diya hain bas ek touch ki deri hain..

Saale mere mobile tere paas.. Mazak bandh kar muje mera mobile wapis kar..

Bhai mazak to tu kar raha hain mein to serious hu.. 3 tak ginta hu, tu bol raha hai ki main send karu.

EK….. DO……mein bilkul mazak nahi kar raha sach mein press kar dunga aur ye teeee..

Ruk ruk.. sale batata hu.. pehle mobile niche rakh..

Pehle bol baad mein mobile.

Thik hain baith to sahi pehle.

To baat ye hain ki mein use like to karta hu par darta hu ki..

Darta hu… what nonsense… darta hu ka kya matlab saale tu mera dost hokar darta hain.. saale dosti ki naak kaat di tune to.

Are sun na sale.. pehle..

Use kehne ko to abhi keh du par..

Ha par kya..

Par darta hu ki kya mein is baar bhi riste ko sambhal nahi paaya to?

Is baar bhi matlab.. oh.. abhi tak bhai mera apne past mein atka pada hain. dekh bhai jo beet gaya wo beet gaya, aur ye prachi ka chepter ab close ho gaya hain. aur sambhal nahi paunga ka kya matlab hua..

Tab bhi teri koi galti nahi thi. Tune jo ho sake use 100 guna jyada kiya tha us riste ko bachane ke liye par par prachi tere liye sahi nahi thi.

Us chizon mein atka raha to aage kaise bhadhega mere bhai.

Pata hain yaar par ye darr muje humesha rok leta hain aur jab bhi mein jahnvi ko apne dil ki baat karne ki sochta hu to har baar ek sawal mere samne aake puchta hain ki “is baar bhi tum sambhal nahi paye to”

Aur wise bhi mein jahnvi ko sirf like karta hu use dekhta hu to love wali feeling nahi aati jaise prachi ko dekh ke aati thi..

You know pet mein butterfly wali feeling.. to may be ye sirf kuch waqt ka attraction ho skata hain aur ise mein pyar samaj kar us se izhar kardu aur wo haan bol de par kuch waqt baad ye attraction chala gaya to… nahin yaar aise to mein uska bhi dil dukhauga..

Abe… chu….. ye kya butterfuly wutterfly wali feeling mein fasa hain.. dekh aaj tak pyaar ko koi bhi define nahi kar paaya hain.. sabki apni definition mein ek veham ko sach maan ke jee rahe hain aur kuch logo ka veham accha hota hain to puri zindagi usme hi guzar lete hain.

Tuje pata hain duniya mein jyada tar log dukhi aatma type kyu hain? isiliye nahi ki unko kisi se pyaar wyaar nahi mila par isi liye wo humesha kisi perfetct pyaar ko dhoondhte rehte hain..

Aur pyaar dhoondha nahi jaata kiya jaata hain..

Tujse jitna ho sake tu kar sakta hain yaha koi tera pyar measure karne nahi aayega aur koi tujse tere pyaar ka hisab maangne aaye jaise wo prachi aayi thi to waise logo ko pyaar se keh dena ki fuck off..

Dekh ho sakta hain ke kal tuje jahnvi se koi acchi ladki mil jaaye, ye bhi ho sakta hain ki jahnvi ko tujse accha koi mil jaaye. Par aaj jab tum dono ek dusre ko mil gaye hoto chizo ko kal par kyun daalna?

Dekh bhai ye nazare toh theregi kahi haseen raasto pe par rukna wohi jaha dil thehre. Aur jaha tak mein tere ko janta hu tera dil already jahnvi ke khwabo mein thehar gaya hai par teri nazare aaj bhi pichle raasto mein ulji padi hain…zar nazar ko ghumao mere babu mosay aur dekho khud ke dil ko kaise wo sukoon se dhadak raha hain.

Par…?

Par war kuch nahi. Itna samjaya samjta hi nahi saala.. itna tune geet ke waqt socha hota to aaj ye sab nahi soch raha hota..

Dekh maine to tuje samjaya, ab tere pe hain tuje kya karna hain par ek baat yaad rakhna kal jab jahnvi ko koi aur le jayega tab rote hue mere paas mat aana.

Ye le tera mobile, message ab bhi typed hain..

Aakhri baat jab tak tu riste ko “sauda” samaj ke dekhega tab tak tuje “ghata” hone ka darr laga rahega. Pyar ko pyar ki nazar se dekhne ka try kar kya pata uske ghate mein bhi munafa mil jaaye.

Comments

Leave a Reply
  1. It’s really awesome 😍…. Waiting for the next one….. Such a good writer u r….keep writing this type of short stories and quotes…..loved to read these….

Leave a Reply

Your email address will not be published. Required fields are marked *

Loading…

0

Comments

comments

What do you think?

1 point
Upvote Downvote

देखा है कभी?

Dil fhek basti