Thak gaye ho? To baith jao na thodi der

Ha bhai pata hai tumhe rukna nahi pasand tumhe to zindagi mein raftaar chahiye na.

Par phir bhi baith jao, thoda aaram karlo zindagi rahi to raftar baad mein bhi pakadi jaa sakti hain.

Waise agar meri maano to ye raftaar se behtar hain ki zindagi mein thoda thaharav (ठहराव) bhi hona chahiye tumhra kya kehna hai is baarein mein.

Khair chalo chhodo ye baate. Tum batao kaha jaane ke liye nikle ho itni hadbadi mein.

Ohh.. accha-accha sapna pura karne jaa rahe ho. Kiska par?

Par ye kya, akele akele? Koi saath aaya nahi ki kisiko saath liya nahi?

Khair mujhe us se kya, tumhari zindagi hai tumhe jaise jeeni ho waise jio.

Ha ek baat yaad rakhna agar ye akele safar mein yaadast saath de to warna bhul jana mujhe kya.

To suno, kaafi waqt pehle jab mein bhi waqt ko jeetne bhaag raha tha bilkul tumhare jaise akele, meri raftaar ki vajah se kaafi chize thi jo mujhe mili jo shayad baaki log sirf sapne dekh kar hi khus ho jaate the. par meri usi raftaar ki vajah se maine zindagi ke lamho mein chupi un choti choti chize kabhi dekh hi nahi paaya.

Meri raftaar ne mere ghar walo ko aur apno ko waqt ke naam par sirf intezaar hi diya.

Kitni saari choti choti chize jaise chote bachho ke saath cricket, kanche ya koi game khelna, mummy, papa se unke na hazam hone wale kisse sun na, purane dosto se baate karke wohi purani yaado ke taap se nayi yaadein pakana.

List lambi hai aur zindagi lambi hai waisa hume lagta hai.

Ha bhai ha, mujhe pata hai tum pak gaye ho aur andar hi andar mujhe gaali dena shuru kar diye ho.

Abhi zyada na bolte hue itna hi kahunga, Zindagi jitni raftar mein hai to us se kahi zyda theharav mein chupi hain.

Kabhi raftar se thak jaao to baith kar thaharav (ठहराव) se baat kar lena.

– Udit Rathod

Comments

0 comments

1 Response

  1. Mehul chavda says:

    Dost …

    Tu Mera sab se qeemti khajana hai…

    Par aj bhi Teri dosti Ka zamana hai..

Leave a Reply

Your email address will not be published. Required fields are marked *